BIOGASOLANA

Artículos científicos

• L. GRANDE, I: PEDROARENA, S.A. KORILI, A. GIL (2021): “Hydrothermal liquefaction of biomass as one of the most promising alternatives for the synthesis of advanced liquid biofuels: A review”, Materials, 14, (2021), 5286.
  https://doi.org/10.3390/ma14185286
• A. GIL (2022): “Challenges on Waste-to-energy for the valorization of industrial wastes: electricity, heat and cold, bioliquids and biofuels”, Environmental Nanotechnology, Monitoring & Management, 17, (2022), 100615.
  https://doi.org/10.1016/j.enmm.2021.100615
• I. PEDROARENA, L. GRANDE, J.J. TORREZ-HERRERA, S.A. KORILI, A. GIL (2023): “Analysis by temperature-programmed reduction of the catalytic system Ni-Mo-Pd/Al2O3”, Fuel, Volume 334, Part 2, 15 February 2023, 126789
  https://doi.org/10.1016/j.fuel.2022.126789

BIOGASOLANA proiektuak likidotze hidrotermal prozesuaren (HTL) bideragarritasuna erakutsi du, bio-hondakinetatik abiatuz (araztegiko lohiak) bioerregai likido aurreratuak ekoizteko. HTL prozesuak bio-gordin izeneko tarteko produktu bat ematen du, hobetu egin behar dena (upgrading) bioerregaia zuzenean lortzeko, edo, bestela beste korronte batzuekin batera prozesatu behar da findegian. Proiektua 3 fasetan banatu da, 30 hilabetetan zehar garatuak. 1. fasea HML entseguak (etenean) egiteko planifikatu zen, bio-gordina sortzeko. 2. fasea bio-gordinen ezaugarriak zehaztu, eta ondoren, upgrading edo baterako prozesamendua burutzeko planifikatu zen. Azkenik, 3. fasea HML unitatea etenetik jarraitura eraldatzeko planeatu zen, bio-gordina modu jarraituan ekoizteko TRL 4-ra.

Proiektuaren helburu orokor modura, HTL-tik TRL 4-rako prozesuaren bideragarritasuna erakustea planteatu zen bio-hondakinak edota aprobetxa daitezkeen frakzio organikoak dituzten hondakinak erabiliz bioerregai likido aurreratuak (bio-gasolina, bio-kerosenoa edota bio-diesela) ekoizteko irtenbide sinple, iraunkor eta efiziente modura.

Proiektuaren barruan, erreaktore etenetan lan egin da laborategi mailan, eta lanketa horrek aukera eman zuen CENER elkarteak garatu duen eta bere BIO2C instalazioetan (Agoitz) abian-jartze fasean duen TRL5-erako HTL jarraituko planta pilotu berriak diseinatzeko oinarriak finkatzeko.

Proiektuko helburu espezifikoei dagokienez, honako hauek nabarmendu daitezke:

• 1. helburu partziala: HTL prozesuak, laborategi mailan, bio-hondakinetatik abituz bio-gordina ekoizteko duen bideragarritasuna finkatzea: kontzeptu-proba. HTL prozesuaren errendimendua ebaluatzea, produktutik eskuratutako frakzio ezberdinen arabera. Hori % 100ean lortu da. Are gehiago, agian proiektuko emaitza nagusienetako bat da; izan ere, fintzeko ezaugarri oso egokiak dituen bio-gordin baten, etenean, lorpena baliozkotu da. Ziur aski, aurretiaz tratatutako lohien gainean HTL entseguak garatzeak (proiektu honetan jasotzen ez dena) bio-gordinaren kalitatea hobetuko luke, hasiera batean, nitrogeno-edukia, gutxienez, % 50 murriztean (garatutako aurretiko tratamendu onenean nitrogenoaren murrizketa maila).
• 2. helburu partziala: bio-gordinaren ezaugarriak hobetuko dituen hobetzeko tratamendua(k) zehaztea (upgrading). Hori lortu egin da, izan ere, jarraitzeko protokoloa zehaztea lortu da, eta molekula-ereduetatik abiatuz katalizatzaile egokiagoak hautatu dira.

Proiektuaren ondorio modura, esan daiteke proiektuak HTL ibilbidetik hondakinen ondorioz bio-gordinak ekoiztearen bideragarritasuna berrestea ahalbidetu duela, TRL5-era planta pilotu jarraitu bat diseinatu eta eraikitzeko ezagutzak izateko aukera eman duena. I+G+b erako proiektu orotan bezala, oraindik bada zer hobetu, bio-gordina jarraituan ekoizteari dagokionez optimizazioa landuz eta bere upgradingean hobekuntzak eginez. Bi erakundeen asmoa da proiektutik at horiek garatzen jarraitzea, jarduera horiek osatu eta, horrela, lortu denari balioa emateko.