PREDISMET

Congresos

• Comunicación oral: 1. Anti-obesity properties of Latilactobacillus sakei in C. elegans and diet-induced obese Wistar rat models. 14th EUROPEAN NUTRITION CONFERENCE FENS 2023. 14/11/2023-17/11/2023, Sava center, Belgrado, Serbia, Federation of European Nutrition Societies (FENS).
• Comunicación oral: Novel Lactiplantibacillus plantarum and Lactobacillus alimentarius strains reduce fat accumulation and improve health markers on a C. elegans model, 20th CTPIOD meeting (Conference for Trans-Pyrenean Investigations on Obesity and Diabetes), 16/10/2023-17/10/2023, Bordeaux Institute of Technology (Bordeaux, France), Consortium for TransPyrenean investigations on Obesity and Diabetes
  (CTPIOD)
• Comunicación oral: THE PROBIOTIC LACTOBACILLUS PLANTARUM REDUCES FAT ACCUMULATION AND INCREASES HEALTHSPAN IN CAENORHABDITIS ELEGANS, XXXI Congreso de la Sociedad Española de Nutrición, 14/09/2023-17/09/2022, Cartagena, Murcia, Sociedad Española de Nutrición (SEÑ)
• Póster: The probiotic Lactobacillus sakei reduces fat accumulation, oxidative stress and senescence while increasing life span in Caenorhabditis elegans, VIII Spanish Worm Meeting, 21/10/2022-22/10/2022, Logroño, La Rioja, Spanish Worm Society
• Comunicación oral: Pipeline de trabajo a la hora de identificar y trabajar con pro/para/postbioticos in vitro, en animales y humanos, XIV Workshop de la Sociedad Española de Microbiota Probióticos y Prebióticos (SEMiPyP), 08/03/2023-10/03/2023, Pamplona, Navarra, Sociedad Española de Microbiota Probióticos y Prebióticos.

PREDISMET proiektuaren helburu orokorra (I+G kolaboratiboak 2020-2022) bakteria-anduiak edo horien metabolioak, hurbilketa bidez, identifikatu eta ezaugarritzea zen, modu isolatuan edo konposatu prebiotikoekin konbinatuta, hesteetako mikrobiotaren osaeran aldaketak iraultzeko gai izateko moduan (disbiosia), hori baita sindrome metabolikoarekin lotutako gaixotasunen ezaugarria (esate baterako, obesitatearena), zein bere segurtasuna zehazte aldera.

Proiektuaren azken helburua, etorkizun hurbil batean agente probiotiko, prebiotiko edo sinbiotikoak garatu eta maila industrialean ustiatu ahal izatea zen, gaixotasun horien aztoramendu metabolikoak tratatzeko, esate baterako, gehiegizko adipositatea, intsulinaren aurkako erresistentzia, dislipemiak edo gibel-esteatosia.

Horrela, CNTA eta CIN-Nafarroako Unibertsitatea partzuergoak honako emaitza hauek lortu ditu:

1. Hasiera batean, CNTA zentroak agente probiotiko modura garatzeko bakteria-espezieen hautaketa landu du. Horretarako, in vitro ahalmen probiotikoa neurtzen duten zenbait proben prestaketan murgildu da buru-belarri: antibiotikoen aurreko erresistentzia-probak, simulatzaile gastriko eta hesteetakoen aurreko erresistentzia-probak, beta-galaktosidasa jarduera, gatz biliarrak hidrolizatzeko gaitasuna, kate laburreko gantz-azidoen ekoizpena, hesteetako epiteliorako bakterien atxikipen-proba, ahalmen immuno-modulatzailea, oxido nitriko zelularraren ekoizpenaren jarduna eta in vitro jarduera lipolitikoa. Proba-sorta horrek guztiorrek aukera eman zuen hiru Lactobacillus andui (A, P eta S anduiak) hautatzeko, ahalmen probiotikoko andui modura, ondoren beren funtzionalitatea ebaluatzeko.
2. CNTA zentroak kolon-simulatzaile bat garatu du. Bertan 3 bakteria adierazleen kontaketak egonkor mantentzen dira (hesteetako mikrobiotaren ordezkari gisa hautatuak) lan eteneko in vitro sistema hartzitzaile batean 19 orduz. Gainera, tresna molekular bat garatu da (q-PCR), in vitro kolon-sistema hartzitzailearen andui adierazleen jarraipena egiteko.
3. Nahasketa bat hautatu da, zehazki, borrajaren haziaren olioa (omega-6 gantz-azido poliasegabeetan aberatsa) eta polifenol kertzetina, jarduera prebiotikoaren osagai gisa nahastuta, karraskarietan bakterien aniztasuna areagotzeko bere ahalmena dela medio.
4. CIN-Nafarroako Unibertsitateak CNTA zentroak balizko probiotiko modura hautatutako bakteria-anduien jarduera antiobesogeniko ustezkoaren gaineko zuzeneko baheketa bat burutu du (C. Elegans eredua). Ikerketek erakutsi dutenez, hautatu diren hiru Lactobacillus anduiek (A, P eta S anduiak) nematodoaren gorputzeko gantza murrizteko, bere bizi-itxaropena luzatzeko, estres oxidatiboa murrizteko eta zahartzea murrizteko gaitasuna zuten. Gainera, frogatu denez, behatutako propietate ezberdinak independenteak ziren C. elegansaren garapenaren efektuarekiko, intsulina eta gantz-azidoen beta-oxidazioaren adierazpena barne hartzen duten mekanismoak erabiltzeaz gain. Ikerketa horien ondorioz, Lactobacillus hiru anduietako bi hautatu dira (P eta S anduiak), karraskari-ereduan beren funtzionalitatea ebaluatzeko.
5. CNTA zentroak hiru andui hautagai horien bakteria-jatorriko postbiotikoen lorpenaren prestaketa gauzatu du, probiotikoak in vitro haztearen ondoriozko zelulen sobrenadante askea (SLC) isolatuz. SLC horien in vitro (hazi zelularrak) eta zuzeneko (c. elegans) baheketak horien jarduera anti-lipogeniko edota lipolitikoa identifikatzea ahalbidetu du.
6. Hiru bakteria-anduien SLC horien zein CNTA zentroaren anduien zerrendako beste andui batzuen, azterketa metabolomiko ez bideratuak bakteria ezberdinek sorrarazitako metabolito ezberdinak identifikatzeko aukera eman du. Metabolito horietako bat, Lactobacillus anduiaren S anduiko SLC-an aurkitua, eredu komertzial bati jarraituz berretsi da.
7. Identifikatutako metabolitoaren linea zelularrak erabiliz, eta Lactobacillus izenekoaren S anduiaren SLC-an berretsitako, in vitro baheketak propietate anti-lipogenikoak eta anti-adipogenikoak erakutsi ditu HepG2 hepatozitoetan eta 3T3-L1 MBX pre-adipozitoetan, hurrenez hurren.
8. CNTA zentroak in vitro kolon-hartziketaren ikerketa burutu du, bakterien hazkuntzan osagai prebiotikoak eranstearen eragina zehazteko. Bakteria onuragarriak hazteko propietate interesgarriak dituen kate laburreko fruktooligosakarido (FOS) baten % 0,8ko adizio batekin lan egin du.
9. CIN-Nafarroako Unibertsitateak hautatutako andui probiotikoen (Lactobacillus P eta S) ebaluazio funtzionala burutu du, borrajaren haziaren olio eta kertzetina (sinbiotikoak) nahasketa batekin batera, dietak eragindako obesitatea zuen arratoi-eredu batean. Ikerketa honek erakutsi duenez, andui probiotiko (askeak zein osagai prebiotikoarekin konbinatuta) bidezko gehikuntzak, besteak beste, gantzaren metaketaren, gluzemiaren kontrolaren edo hanturaren adierazleen gainean efektu murriztaile nabarmena agertzen zuen.
10. Multzo ezberdinetako animalien gorozkien 16S sekuentziazio bidez egindako ikerketa metagenomikoak erakutsi zuenez, probiotikoek modu esanguratsuan eragiten zuten hesteetako mikrobiotaren osaeran, hala espezie mailan zein bakteriaren aniztasunari so.
11. Metabolomiko ez bideratuko ikerketak burutu dira multzo ezberdinetako animalien serumetik abiatuz. Ikerketa horiek probiotiko edota sinbiotiko bakoitzarekin lotutako metabolitoen profilean aldaketak identifikatzeko aukera ematen ari dira.
12. Azkenik, Nafarroako Unibertsitateak Wistar arratoi-eredu baten ikerketa toxikologikoa burutu du, Lactobacillus anduien eta hautatutako probiotikoaren segurtasuna frogatu zuena.

Horrenbestez, esan daiteke PREDISMET proiektuak aukera eman diela hala CNTA zentroari nola CIN-Nafarroako Unibertsitatea partzuergoari bi Lactobacillus bakteria-anduien propietateei buruzko informazio asko eskuratzeko. Andui horiek, hala modu askean zein osagai prebiotiko batekin konbinatuta, sindrome metabolikoarekin lotutako parametroen aurrean (esate baterako, obesitatea edo intsulinaren aurkako erresistentzia) eraginkortasuna duten balizko agente probiotiko edota sinbiotiko modura garatzeko potentziala ageri dute.