alloCART-LMA

Artículos científicos

• “Optimization of universal allogeneic CAR-T cells combining CRISPR and transposon-based technologies for treatment of acute myeloid leukemia” Calviño C, Ceballos C, Alfonso A, Jauregui P, Calleja-Cervantes ME, San Martin-Uriz P, Rodriguez-Marquez P, Martin-Mallo A, Iglesias E, Abizanda G, Rodriguez-Diaz S, Martinez-Turrillas R, Illarramendi J, Viguria MC, Redondo M, Rifon J, Villar S, Lasarte JJ, Inoges S, Lopez-Diaz de Cerio A, Hernaez M, Prosper F, Rodriguez-Madoz JR.Front Immunol. 2023 Sep 19;14:1270843. doi: 10.3389/fimmu.2023.1270843. eCollection 2023. PMID: 37795087
• “CAR density influences antitumoral efficacy of BCMA CAR T cells and correlates with clinical outcome”
  Rodriguez-Marquez P, Calleja-Cervantes ME, Serrano G, Oliver-Caldes A, Palacios-Berraquero ML, Martin-Mallo A, Calviño C, Español-Rego M, Ceballos C, Lozano T, San Martin-Uriz P, Vilas-Zornoza A, Rodriguez-Diaz S, Martinez-Turrillas R, Jauregui P, Alignani D, Viguria MC, Redondo M, Pascal M, Martin-Antonio B, Juan M, Urbano-Ispizua A, Rodriguez-Otero P, Alfonso-Pierola A, Paiva B, Lasarte JJ, Inoges S, Lopez-Diaz de Cerio A, San-Miguel J, Fernandez de Larrea C, Hernaez M, Rodriguez-Madoz JR, Prosper F.Sci Adv. 2022 Sep 30;8(39):eabo0514. doi: 10.1126/sciadv.abo0514. Epub 2022 Sep 30. PMID: 36179026

alloCART-LMA proiektuaren helburu nagusia da genetikoki aldatutako zelula immuneen erabileran oinarritutako estrategia terapeutiko berritzaileak garatu eta ebaluatzea, Leuzemia Mieloblastiko Akutua (LMA) tratatzeko. Zehazki, CAR-T zelulen garapenean oinarritzen da. Horiek genetikoki aldatutako T linfozitoak dira, tumore-zelulak identifikatu eta desagerrarazteko hartzaile kimeriko bat adierazteko. CAR-T terapiak, oro har, testuinguru autologoan erabiltzen dira; hau da, pazienteen euren zelulak erabiltzen dira, aldatu eta berriro pazienteari sartzeko, modu horretan, tumorea desagerraraz ditzaten. Terapia hori oso eraginkorra izan da zenbait gaixotasunetan, esate baterako, leuzemia linfozitiko akutuan edo linfoman.

Haatik, zenbait kasutan, LMA duten pazienteetan CAR-T terapiak aplikatzek baditu bere mugak. Zenbaitetan, paziente horien T zelulak ez dira baliagarriak CAR-T zelulak sortzeko eta, gainera, askotan, LMA duten pazienteek berrerortze oso larriak izaten dituzte, egungo CAR-T terapiak garaiz iristea eragozten dutenak. Horregatik guztiagatik, ezinbestekoa da paziente horiek tratatzea
ahalbidetzeko terapia berritzaileak garatzea. Horregatik, osasuntsu dauden emaileen CAR-T zelulen erabilera oso hurbilketa interesgarria da (terapia alogenikoa; hortik dator alloCART-LMA izena). Horrek aukera emango liguke produktu terapeutikoa prest izateko, behar denean erabili ahal izateko. Haatik, emaile baten zelulak paziente batean erabiltzeak ere baditu bere mugak; izan ere, pazientearen sistema immuneak CAR-T zelulak alboratu egingo lituzke (beste pertsona batenak baitira), eta gainera, CAR-T zelulek erreakzionatu egin lezakete pazientearen aurrean (beste pertsona batenak izateagatik).

Proiektu horiei aurre egin ahal izateko, alloCART-LMA proiektuak genomaren edizioaren teknologiak erabiltzea planteatzen du, CAR-T zeluletatik kontrako ondorio horiek sorrarazten dituzten molekula gakoak desagerrarazteko. Horrela, osasuntsu dagoen emaile baten T zeluletatik abiatuz, genetikoki aldatutako CAR-T zelulak sor ditzakegu, unibertsalki erabil daitezkeenak.

alloCART-LMA proiektuan zehar zelulen sorkuntza hori prestatu dugu, eta bere funtzionaltasuna zein tumore-zelulak hauteman eta desagerrarazteko bere gaitasuna ebaluatu dugu, hala laborategiko zelula-ereduetan nola animalietan, esate baterako, gaixorik dauden saguetan. Proiektu horren emaitzak oso asebetegarriak izan dira; izan ere, ekoizpen-protokolo oso eraginkor bat prestatu dugu, eta sortutako CAR-T zelulak zeharo funtzionalak dira. Horrek proiektu honen garapenean aurrera egitea eta zelula horiek kopuru handitan ekoizteko lan egitea (erabilera klinikoarekin bateragarriak diren fabrikazio-arauekin) ahalbidetzen digu. Hurrengo urratsekin zelula horiek entsegu klinikoetan ebaluatu ahal izango ditugu, LMA duten pazienteentzat terapia berritzaile bat eskaini ahal izatetik hurbilago egonik.