SELECTRIA


Prozesuak hobetzeko datuak modu autonomikoan atzematean eta erabiltzean oinarritutako 4.0 industriarekin lerrokatuta, SELECTRIA proiektua sentsore elektrokimikoak oraindik erabiltzen ez diren edo hobetu daitezkeen sektoreetan aplikatzen saiatzen da; esaterako, elikagaien industrian eta ingurumen-segurtasunean. Horretarako, NAITECek eta NUPek hainbat helburu finkatu zituzten: - Sulfitoak neurtzeko metodoaren optimizazioa; kontserbatzaile oso erabiliak dira horiek, pertsona sentikorrengan ondorio kaltegarriak eragin ditzaketenak. - Neurketa-kit sinple baten prototipoa fabrikatzea. - Gas kutsatzaileak aztertzeko sentsoreak aplikatzea.

Lehenengo kasuan, metodo azkar bat optimizatu da ardotan dagoen sulfitoa aztertzeko; eta analisi-denbora edo kostu handiagoa eskatzen duten erreferentziazko beste teknika batzuekin eta beste teknika komertzial batzuekin alderatu da. Gainera, ebaluatu da nola eragin diezaioketen neurriari ardoaren beste osagai batzuek. Sulfitoa neurtzeko metodo hori beste matrize batzuetarako aplikatu ahal izango litzateke.

Bestalde, substantzia interesgarri bat in situ eta azkar aztertzeko kit eramangarria izango litzatekeenaren frogagailu bat fabrikatu da. Kasu honetan, adibidea choucrut-ean dagoen azido laktikoaren monitorizazioa izan da; bertan, dagoeneko frogatuta baitzegoen kiteko eta metodo komertzialetako emaitzen arteko korrelazio ona. Demo hori lagungarria izan daiteke metodo elektrokimikoen sinpletasuna elikagaien industriako erabiltzaileei hurbiltzeko.

Azkenik, gasak detektatzeko sentsore inprimatuak aplikatzeko aukera aztertu da. Zehazki, nitrogeno-dioxidoa hautatu da diana gisa. Industriatik eta garraiotik datorren gas kutsagarria da, eta haren kontzentrazioa monitorizatu egiten da airearen kalitatea baloratzeko. Horretarako, grafenoan eta eztainu oxidozko partikuletan oinarritutako material sentsorea jarri da zilarrezko sentsore interdigitatuen gainean. Emaitzak oso esperantzagarriak izan ziren, baina karakterizazio-proba gehiago behar dira.


  • Año: 2019
  • Sector estratégico: Movilidad eléctrica y conectada
  • Líder del proyecto: Fundación I+D Automoción y Mecatrónica (NAITEC)
  • Socios del proyecto: Universidad Pública de Navarra (UPNA)
X