JASAN-CAR

Comunicaciones en congresos

• XXIX CICAT 2024.Diego Sanz Carrillo. Sistema de captura y metanación de CO2 con materiales híbridos “MOF-s catalizadores de Ru”.
• Composites International Conference 2024. Rakel Herrero et al. Structural simulation and alternative fabrication of a rear suspension for link using composite materials for electric vehicle application.
• IPPT-TWINN: Rakel Herrero. New materials and manufacturing technologies for carbon footprint reduction in automotive applications.
• HEXAGON: José Luís Fernández Díaz. Design and Engineering Iberia. Metodología para el aligeramiento de componentes fabricados en tecnología aditiva (AM).

Karbono-aztarna murriztea mundu-mailako helburua da. Europari dagokionez, 1990eko balioekin alderatuta, 2030ean % 55ean murriztu izatea aurreikusten da. Pertsonen mugikortasunak eragiten du ingurumenerako kaltegarriak diren isurien bolumen handia sortzea. Horregatik, sektore honetan sortzen den karbono-aztarna murrizten laguntzen duen edozein proiektu- edo garapen-motak administrazioek ezarritako murrizketako helburuak lortzearen alde egingo du. Hainbat ikerketatan ondorioztatu denez, garraioak, oro har, Europar Batasuneko CO₂ isuri guztien urteko % 25-30a inguru sortzen du. Hala ere, litekeena da ehuneko horiek hankamotz gelditzea, garraioak bakarrik eragindako kutsaduran oinarritzen baitira, eta ez dira kontuan hartzen automobilgintzaren jarduera eta errekuntzako automobilei behar adina gasolina edo gasolio emateko sortutakoa.

Hori dela eta, NAITEC eta Nafarroako Unibertsitate Publikoaren artean egindako JASANCAR proiektua proposatu da, mugikortasunaren sektorean karbono-aztarna murrizteko, hiru estrategia bereizi eta, aldi berean, osagarriren bidez.

Batetik, mugikortasunaren sektorearen fabrikazioko prozesuetan ekoitzitako CO₂-aren kopurua murriztea, material jasangarri berriak garatuz jatorri naturaleko zuntzekin sendotutako oinarri biologikoko konpositeekin egindako ibilgailuen barruko panelak eta piezak fabrikatzeko. Bestetik, CO₂-a murriztea materialak ordeztuz eta pisua murriztuz eta, ondorioz, energia-kontsumoa murriztuz, zuntz luzeko konpositeak inprimatzea bezalako teknologia berrien bidez piezak fabrikatuta. Halaber, ibilgailuaren joan-etorriak aireztapena/klimatizazioa bezalako erabileretarako onartutako aireko CO₂-a atzitzeko aprobetxatzea proposatu da, CO₂-aren adsortzioan oinarritutako sistema bat garatuz. Gainera, garatutako prozesu eta produktuen bizitza-zikloaren jasangarritasunaren azterketa (LCA) egin da, ingurumenaren gaineko eragina murrizteko eta garapenen eragin sozialak hobetzeko, proiektuaren jasangarritasunaren helburu globalari laguntzeko nahian.

JASANCAR proiektuan lortutako emaitzei esker, hasieran aurreikusitako helburu zehatzak lortu dira:

• Jatorri naturaleko konpositeetarako oinarri biologikoko materialak eta errefortzuko materialak hautatzea.
• Panel formako osagaiak fabrikatzea oinarri biologikoko material horietatik abiatuta.
• 3D fabrikazioko tekniken bidez sendotasun handiko eta pisu txikiko piezak fabrikatzea zuntz luzeko konpositeekin, ibilgailuaren barruko eta kanpoko osagaiak ordezteko.
• Fabrikatutako osagaien ezaugarriak zehaztea eta baliozkotzea, eta gaur egun erabiltzen diren osagaiekin alderatzea, CO₂-ko isurien aurrean dituzten abantailak berresteko.
• CO₂-ko adsortzio-sistemak garatzea ibilgailuan txertatzeko.
• Garatutako produktuen eta prozesuen bizitza-zikloaren jasangarritasunaren azterketa.

Proiektuan lortutako emaitzak nazioarteko hainbat kongresutan aurkeztu ahal izan da, hala nola SAMPE 2024, IPPT-TWINN 2024, XXIX CICAT 2024, Composites International Conference 2024 eta Design and Engineering Iberia. Gainera, 2025ean eta 2026an argitaratuko diren artikuluak prestatzen ari dira.

Proiektuaren azken balorazio gisa, SINAI sistemako eragileen artean lan egitearen onurak azpimarratu behar dira. Horri esker, bestela sortuko ez liratekeen sinergiak aurki daitezke. Proiektu honetan, bereziki, harremana arina eta konstruktiboa izan da, eta bi aldeek (Nafarroako Unibertsitate Publikoak eta NAITEC zentroak) oso positiboki hartu dute.