HTSTORAGE

1. Gatz urtuen performancea hobetzea. Gatz urtuak biltegiratze termikorako modu bat dira, eguzki-energia termikoko instalazioetan asko erabiltzen dena. Ekonomikoak eta iraunkorrak dira, eta tenperatura tarte zabal batean erabil daitezke (250 eta 600 ºC artean).
2. PCM (fase-aldaketako materialak) kontzeptuak garatzea, energia-dentsitatea eta metagailuaren portaera termikoa hobetzeko. Fase-aldaketako materialek edo PCMek likido-egoeratik solido-egoerarako aldaketarekin lotutako energia aprobetxatzen dute (energia horri fusio-bero sorra ere esaten zaio). PCMak kapsulatu egiten dira, eta paketatze batean sartzen dira deposituan; hala, beren beroa ematen diote kanpoaldetik dabilen lan-fluidoari.

Garatutako PCM kontzeptuak balioztatzeko, besteak beste, saiakuntza-azpiegitura moldakor bat egin da, 650 ºC-ko tenperaturara irits daitekeen aire-fluidorako. Sistemak honako hauek ditu:

• Sistemari giro-airea ematen dion haizagailu bat. • Emari-neurgailu bat
• Airerako erresistentzia-berogailu bat
• Tenperatura handiko hodi-sare bat
• Eskala txikiko metagailu bat, material betegarri berritzaileak probatzen dituena • Tenperatura altuko balbulak, metagailua txandaka kargatzeko eta deskargatzeko
• Presioa eta tenperatura kontrolatzeko eta neurtzeko tresnak

Proiektuaren emaitzek aukera eman dute ikerketaren kontzeptuak baliozkotzeko, eta, hala, garapen-ildoak sortzeko. Ildo horiek hurrengo urteetan jarraituko dira, sare elektrikoetarako energia-biltegiratze masibora bideratuta.

Sistema horiek beharrezkoak izango dira hurrengo hamarkadan berriztagarriak eskala handian integratzeko energia-sisteman, eskualdeko helburuak eta helburu nazionalak betetzeko.