FOREST+

CO2 eta beste kutsatzaile batzuk balorizatzeko eguzki-argia erabiliz bihurketa fotokatalikorako sistemak dira, hain zuzen ere, arreta zientifikorik handiena erakartzen ari den egungo gaietako bat. Izan ere, garrantzi handia du CO2 birziklatuz energia-iturri garbiak eman ahal izateak eta kutsadurarekin lotutako arazoak arindu ahal izateak. Azken urteotan, material fotoaktiboen garapenari lotutako aurrerapen garrantzitsuak aurkeztu dira; esaterako, nanopartikulak, oxido erdieroaleen, perovskiten, grafenoaren, CQDen (Carbon Quamtum Dot) eta abarren gainekoak. Baina beharrezkoa da, halaber, erreaktiboen, fotokatalizatzailearen eta argiaren arteko kontaktu egokia ahalbidetzen duten oso eraginkorrak diren gailuetan aurrera egitea. Horregatik, 2019ko deialdian emandako eta finantzatutako PC003-004 FOREST+ lankidetza-proiektua 3D inprimaketa zuzenaren bidez fabrikatutako mikroerreaktoreak fabrikatzean oinarritu da erreakzio fotokatalitikoak gauzatzeko.

Mikroerreaktoreetan, dopatzailez (Cu) eta nanopartikula metalikoz (Au eta Ag) aldatutako titanian oinarritutako material nanoegituratuak sartu dira fotokatalizatzaile gisa. Era berean, material horiek partzialki aldatzen dira MOF (metal organic frameworks) bihurtzeko (adsortzio-ahalmen handiko materialak dira horiek). Horrek CO2a produktu erabilgarri bihurtzeko erreakzio fotokatalikoak erraztuko ditu; horixe da proiektuaren helburu nagusia. Material berri horiek adsortzio-ahalmen handiagoa dute; eta propietate fotokataliko onak ere badituztenez, garapen-ildo horrekin jarraitzera animatzen gaituzte CO2aren bihurketa-gaitasuna hobetzeko.

 

Hauek dira lortu diren helburu nagusiak:

. Esfera integratzailean oinarritutako fotoerreakzio-sistema bat fabrikatzea, mikroerreaktoreetan egindako esperimentuen argiztapena hobeto kontrolatzeko.

. Mikroerreaktoreak diseinatu eta fabrikatzea 3D inprimaketa zuzenaren bidez eta material fotoaktiboak horietan integratuz

. Sugarretako pirolisi-teknikaren bidez TiO2 nanopartikula oso fotoaktiboak fabrikatzea, Cu-a bezalako metalekin dopatuak; bai eta horien dispertsio likido egonkorrak ere.

. MOFen sintesi partziala, CO2 adsortzio-ahalmena handitzeko fotokatalizatzaileen dopatzaileetatik abiatuta

. Fotokatalizatzaileen propietate optikoak aztertzea, kristal fotoniko gisa aplikatu ahal izateko.


  • Año: 2019
  • Sector estratégico: Industria de la energía verde
  • Líder del proyecto: UNIVERSIDAD PÚBLICA DE NAVARRA
  • Socios del proyecto: LUREDERRA. FUNDACIÓN PARA EL DESARROLLO ECONÓMICO Y SOCIAL

2019

X