BIOPTSENS AVANZA

"BIOPTSENS-AVANZA" proiektua erantzun gabeko eta inpaktu handiko behar mediko bati erantzuteko bideratua dago. Behar horri erantzuteko, Alzheimer gaixotasunerako biomarkatzaile proteikoen panel zabal bat erabiltzen duten detekzio-teknika berriak aplikatzen dira. Horrekin konbinatuta, detekzio azkarra ahalbidetzen duten gailu optoelektronikoak erabiltzen dira, kostu txikiko eta tamaina txikiko ekipamendua erabiliz. HELBURU ESPEZIFIKOAK 1. Gailuen ebaluazioa. 1.3: Zuntz optikoko gailu sentsoreen erantzuna baliozkotzea eta ezaugarritzea lagin konplexuekin. 2. Emaitzak egiaztatzea. 2.4: Sentikortasun- eta espezifikotasun-azterketak, Alzheimer gaixotasunaz bestelako 7 gaixotasun neurodegeneratiboren ondoriozko serum-laginetan (n=600 kasu). 3. Alzheimer gaixotasuna identifikatzen lagunduko duten biomarkatzaile berriak edo horien konbinazioak aztertu eta detektatzea. 4. Balizko diagnostiko-ekipo bat lortzera eta garatzera bideratutako hobekuntzak diseinatu, ebaluatu eta ezartzea.

Navarrabiomeden aldetik:

Sentsorean sortzen diren intereseko molekulen arteko lotura ezaugarritzeko beharrezkoak diren fluxu teknologikoak ezarri dira. Urrats hori funtsezkoa da neurketetan kalitate-kontrolak ezartzeko.
Alzheimerra duten banakoen usaimen-egiturak ezaugarritu dira, sentsorizatu beharreko biomarkatzaileen estaldura handitzeko.
Hainbat gaixotasun neurodegeneratibo dituzten pazienteen serumean GNPDA2 proteinaren mailak gora egin duela detektatu da, eta horrek dementzia ere agertzen deneko patologien biomarkatzaile potentzial gisa proposatzen du.

NUPen aldetik:

Orain arte erabilitako protokoloa hobetzeko eta optimizatzeko lan egin da, bai antigorputza zuntzaren gainazalean immobilizatzearen zatia, bai blokeoaren eta detekzioaren zatia. Egindako esperimentu ugariei esker, TAU proteina detektatu ahal izan da fluido zerebroespinaleko (CSF) disoluzio konplexuetan, eta seruma 0.01ug/mL-ko kontzentrazioetan.
Nabarmendu behar da orain arte egindako esperimentuek ez dutela ahalbidetu intereseko TAU kontzentrazioak detektatzea maila klinikoan. Nahiz eta konplexutasun handiko disoluzioetan detektatu izana orain arte gauzatu gabeko zerbait izan, eta detekzio-tartea murriztu egin den arren, oraindik ere badago hobetzeko tartea.
Aldi berean, lan egin da aplikazio klinikoko sistema biosentsore gisa proposatutako teknologian oinarritutako gailu bat ezartzeko aukerara bideratutako hobekuntzak ebaluatzen.