Ezagutu SINAI

Honako hauek osatzen dute Nafarroako I+G+b Sistema (SINAI): haren parte diren eragile publiko eta pribatu guztiak, eta horrekin batera, erlazioak, koordinazio egiturak eta elkarlanerako lanabesak, hots, Nafarroan ikerketa, transferentzia, balorizazio eta berrikuntza arloko politikak planifikatzea, kudeatzea, betetzea eta haien jarraipena egitea ahalbidetzen dutenak.

Honako hauek dira Nafarroako I+G+b Sistemako (SINAI) eragileak: sistema horretan finantzaketa, exekuzio edo koordinazio eginkizunak betetzen dituzten eragile publiko eta pribatu guztiak, edota ikerketari, balorizazioari, transferentziari edo berrikuntzari euskarria ematen diotenak.

Zientziari eta Teknologiari buruzko Foru Legearen arabera, SINAIk eta haren eragileak lerrokatuak daude bai zientzia, teknologia eta berrikuntza planetan bildutako lehentasunezko alorrekin bai teknologia estrategikoekin, eta haien jarduera Nafarroako Espezializazio Adimentsuaren Estrategiaren baitan dago.

Hona hemen 2021ean ezarritako lehentasun tematikoak:

– Mugikortasun elektrikoa eta konektatua
– Elikadura osasungarria eta jasangarria
– Energia berdearen industria
– Medikuntza pertsonalizatua
– Turismo jasangarria
– Ikus-entzunezkoen industria
– Trantsizio ekologikoa
– Trantsizio digitala

Erregistratu nahi al duzu SINAIko Eragile gisa?

Nafarroako Gobernuak tramite-fitxa hau jarri du Nafarroako I+G+b Sistemako exekuzio-eragile izateko akreditazioa eskuratu nahi duten entitateen eskura:

SINAI edo Nafarroako I+G+b Sistemako exekuzio-eragileen erregistroa

Esteka honek eragile akreditatuak bilatzeko tresna batera eramaten du:

SINAIko Eragile akreditatuak